Sdang ka Open Basketball Tournament ka WJDSA da ka namjop Ladthadlaboh bad ka Don Rua

Syllad | The Rising MeghalayaOctober 18, 2022

Ka Open Basketball Tournament kaba pyniaid da ka West Jaintia District Sports Association (WJDSA) kala sdang ha madan basketball ka Thomas Jones Synod College, Jowai haka sngi ba Ar.

Ha kane ka sngi sdang ka Ladthadlaboh kala jop da 45-19 pyrshah iaka Newhill, katba ka Don Rua kala jop da 72-24 iaka Onyx. Ka Don Rua bad ka Onyx ki dei ki kynhun na sor Shillong.

Ha ka jingiakhun kaba lai ka Azriel kala jop da 45-23 SCB bad ka jingiakhun kaba khatduh la Kingsmen kala jop da 43-35 iaka SASWJ.

Kane ka lympung kan kut haka 25 tarik une u bnai bad man ka sngi ki don saw tylli ki jingiakhun. Ia kane ka lympung la pynlong iaka haka dur jong ka Day and Night lane haka por mynsngi bad mynmiet.

Ki don haduh 10 kynhun kiba iashimbynta ha kane ka lympung na kaliang ki shynrang bad 2 na ki kynthei.

Na ki shynrang ki kynthup iaka Ladthadlaboh, Kingsmen, DSE, Don Rua, Azriel, SAS-WJ, SCB, ONYXX, Newhill, Chutwakhu.

Ka khusnam iaki lahduh na ki shynrang ha kane ka jingiakop ka long T.60 hajar ba wan ba ar T.30. Na ki kynthei pat ka khusnam lahduh ka long T.30 hajar ba wan ba ar T.15 hajar. Ki don ruh ki khusnam shimet kiba kynthup iaka MVP, Top Scorer, Defensive Player bad ka Promising Player.

U kongsan ba wan plie ia kane ka tournament u dei u ma LD Lakiang chairman ka Jowai Municipal Board haka jingiadonlang ki nongialam bad ki dkhot ka WJDSA, ki nonghikai ka Thomas Jones Synod College nalor kiwei kiwei.