Sdang ka lympung ïalehkai Inter School Badminton Championship ka WJDBA

Syllad | The Rising MeghalayaApril 30, 2019

JOWAI: Ka “14th Inter School Badminton Championship” ba pynïaid da ka West Jaiñtia District Badminton Association (WJDBA) ha ryngkat ka jingïatreilang bad ka ophis u District Sports Officer, West Jaiñtia Hills ka la sdang haka sngi ba ar ha Chutwakhu Indoor Hall, Jowai.

Ki skul kiba wan ban ïashimbynta ki don haduh 10 skul ba kynthup ïaka St. Mary Mazzarelo, Marianhills Higher Secondary School, KJP Synod Mihngi  Higher Secondary School, North Liberty Higher Secondary School, Government Boys HSS bad Government Girls HSS, Presbyterian Higher Secondary School, Jowai Public School, Wahiajer Presbyterian School bad ka Che’s Star School.

Kane ka lympung kan neh 4 sngi lynter bad kan kut haka 3 tarik u Jymmang. Ki don haduh 221 ngut nongïalehkai naduh ka kyrdan  U-13, U-15 bad U-17 kaba kynthup ïaki shynrang bad kynthei.

La wan ban plie pyrda ïa kane ka lympung ïalehkai da u ma EMH Passah, Working President West Jaiñtia District Sports Association (WJDSA) kum u kongsan.