Sdang ka jingiakhih ka JSM ban dawa weng iaka khyrdop khrong khajna KAAC

Syllad | The Rising MeghalayaJuly 10, 2023

Ka Jaintia Students’ Movement (JSM) hadien bala kut a jingaipor kaba 10 sngi iaka bor district jong ka West Jaintia Hills bad ka Jaintia Hills Autonomous District Council (JHADC) ban weng iaka iaka Entry Tax Gate ha Khanduli.

Haka sngi Nyngkong, ka sngi kaba la pynlong iaka dorbar lyuir ba shisngi ka JHADC, ki katto katne ki dkhot bad nongialam jong ka JSM haka jingialam u N Ribok Biam working president JSM western region kila tur sha JHADC ban iakhih ryngkat bad ki jingthoh bad pyrta shla ban dawa weng mardor ia kane ka Entry Tax Gate kaba la wan buh da ka Karbi Anglong Autonomous Council (KAAC) naduh u bnai Iaiong 15 tarik.

Ka JSM kala dep ai iaka haka dorkhat kaba kala ai sha u DC Jowai bad CEM JHADC haka 30 tarik Jylliew bad dawa weng ia kane ka khyrdop bad ka byrngem iakhih paidbah namar ba kane ka khyrdop khrong khajna ka KACC ka hap ha Khanduli, hapoh u u pud sam ka jylla Meghalaya.

Kane ka jinghuri hura naka jingbuh ka KAAC ia kane ka khyrdop khrong khajna kala wanrah ka jingpyrshah naka bor shnong Khanduli, Elaka Nongjngi bad la rai ruh ban sangeh ka leit ka ka wan bad khaii khaba hadpeng ki jaidbynriew pnar bad karbi.

Ki Karbi ruh hadien ka jingpyrshah ki paid nongshong ka Khanduli ia kane ka khyrdop kala khang pyrshah ban rep riang ki Pnar ha ki jaka kiba bun ki Karbi.

Kane ka jingkynad kine ki ar liang Pnar bad Karbi mynta kala neh 3 bnai pura bad kala dpon ka jingpyrshang ban kren iasuk pynban kam poi shaei shaei.