Sdang ka jingdie tiket na ka bynta ka jingialehkai hapdeng ka Shillong Lajong FC bad ka TRAU FC

Syllad | The Rising MeghalayaNovember 24, 2023

Ka jingdie ia ki tiket na ka bynta ka jingialehkai ka ban wan hapdeng ka Shillong Lajong FC bad ka TRAU FC kan sdang naduh 24 tarik Naiwieng.

Ka Lajong ka la sdang ia ka jingialeh na ka bynta kane ka samoi I-League 2023-24 kum ka kynhun kaba la pynkhreh pura da kaba ioh ban khur biang ia ka jingjop ha ka jingialehkai kaba dang shen pyrshah ia ka Delhi FC bad ioh ban 9 point lyngba ki artylli ki jingjop bad lai ki jingiakhaid ban poi ha ka kyrdan kaba 4 ha ka jingioh khur point.

Mynta ka Shillong Lajong FC ka la pynkhreh ban iakhun pyrshah ia ka TRAU FC ka ban long ha ka 25 tarik mynta u bnai (Sngi Saitjain) ha madan SSA Stadium, Shillong ha ka por 2 baje nohphai sngi.

Ia ki tiket na ka bynta kane ka jingialehkai lah ban ioh na kine ki jaka. 1.The Electronic Centre, Police Bazaar 2.Cafe Shillong, Laitumkhrah 3.The SSA Ticket Counter.