Sdang ka Inter School Athletic Meet ka DSO Khliehriat

Syllad | The Rising MeghalayaMay 2, 2023

Haduh 30 tylli ki skul bad 900 ngut ki khynnah kila iashimbynta haka lympung Chief Minister District Level Inter School Athletic Meet 2023 ha madan Teilang, Dkhiah West, Khliehriat kaba la sdang haka sngi ba Ar.

U Deputy Commissioner, East Jaintia Hills District Abhilash Barnawal IAS kum u kongsan ula wan ban plie pyrda ia kane ka lympung ki khynnah skul haka jingdonlang ka District Sports Officer (DSO) Stefiny M Rapsang, ki nongkitkam ka EJDSA bad kiwei kiwei.

Ha kane ka lympung ba lai sngi lynter kan don ka jingiakop bapher bapher naduh ka jingmareh 100 metres, 400, metres, 600 metres, 1500 Metres, 4×100 metres, Long Jump, High Jump, Shoot Put, Discus throw, Javelin Throw bad Medley race.

U Lamwan Phawa na Sein Jait Tuber School ula lam khmat iaka jingshim smai ki skul kiba iashimbynta ia kane ka lympung.