Sdang ka District Open Badmintion C’ships ka WJDBA

Syllad | The Rising MeghalayaSeptember 10, 2024

Ka lympung ialehkai 15th District Open Badminton Championship-2024 kaba khot pynlong da ka West Jaintia District Badminton Association (WJDBA) kala sdang haka 9 tarik Nailur ha indoor hall jong ka Seinraij ha Tpeppale Jowai.

Kane ka lympung ka ban kut haka 14 tarik Nailur, la wan ban iashimbynta da ki nongialehkai ka district kiba kynthup haka men’s singles open 11 ngut, women’s singles 4 ngut, Under-19 Boy’s 6 ngut, men’s doubles open 14 kynhun, nalor ki nongialehkai kiba 35 snem ka rta bad 55 snem ka rta shaneng.

Katto katne ki jingiakop ba la pyndep haka sngi sdang ki long, haka men’s singles 35 + u Marbiang Bareh (21,21,21) ula jop ia u Livingstar Swer (18,23,13).

U Damehi Kyndiah (21,21) ula pynliem ia u Rimilan Passah (17. 8). U Daymaniv Shullai (18,21,21) ula pynliem ia u JK Rymbai (21,15,13), u Ram Najiar (21,21) ula pynliem ia u Ebor Suja (11,8).

Haka men’s doubles 35+ u Nidayoo & Dapynpher (21,21) kila pynliem ia u Chephar & Hamsorsa (11.18).

Haka men’s single 55+, u ANGatphoh (21,20,21) ula pynliem ia u Carmelo (12,22,12).

Haka men’s doubles open, u Owawan & Lamchwa (21,21) kila jop ia u Ernes & Anthony Pala (18,7). U longshisha & Nangmanroi (21,22) kila jop ia u Teibor Shullai & Mewan (16,20).