Sdang ka District Level Inter School Athletic Meet u DSO Jowai

Syllad | The Rising MeghalayaMay 1, 2024

Ka lympung ialehkai ‘District Level Inter School Athletic Meet 2024’ ba la pyniaid da ka ophis District Sports Officer (DSO), West Jaintia Hills ryngkat ka jingiatreilang ka West Jaintia District Sports Association (WJDSA) ka la sdang haka 1 tarik Jymmang ha madan Kiang Nangbah Stadium, Jowai.

Kane ka lympung kan kut haka 3 tarik Jymmang.

Ha kane ka lympung ialehkai ba lai sngi lynter la wan shim bynta da 787 ngut ki khynnah shynrang bad kynthei na ki 25 tylli ki skul na kylleng ka District hala ki jong ki jong ki kyrdan ialehkai kiba kynthup naduh ka Under-14, 16 bad 18.

Ka Additional Superintendent of Police, West Jaintia Hills District Kong Cresency W Lyngdoh kum ka kongsan haka jingdonlang u District Sports Officer (DSO) Bah Khroobok Passah, u Working President WJDSA Bah EMH Passah, ki principal, ki nonghikai na ki skul bapher, ki waheh shnong ka la pynher iaka lama kum ka dak ka jingsdang iaka lympung.

Iaka jingban smai ne oath ceremony la lam khmat da u Ïoh-i Ksan Lyngdoh.

Haka sngi sdang la pyndep iaki jingialehkai kynthup naduh ka Shotput, High Jump, ka jingiakop mareh ba 800 mitar ha kaba ki khynnah shynrang bad kynthei ki la iashim bynta shitrhem ban pyni iaka sap ka talent ialehkai.

Haka jingiakop Shot Put jong ka kyrdan Under-16 Boys la jop da u Thrangki O Lipon na Govt. Boys HS School, ba ar Ebormi Pohplet North Liberty HS School bad ba lai Wandame Talang Govt. Boys HS School.

Haka jingiakop Shotput jong ka kyrdan Under-18 Girls la jop da ka Ribathiang Dkhar St. Mary Mazzarello HS School, ba ar Risuklang-i Suchiang St. Dominic HS School, bad ba lai Jingshaihun Ksoo Little Flower HS School.

Haka jingiakop Long Jump jong ka kyrdan Under-18 Boys la jop da u Banshankupar Suchiang Sawlyngdoh HS School, ba ar Shonghok Dkhar Kiang Nangbah HS School bad ba lai Deiborshwa Shadap Tome Memorial Secondary School, Jowai.

Haka jingiakop Long Jump jong ka kyrdan Under-18 Girls la jop da ka Deigratia Dan na North Liberty HS School, ba ar Lisibia Nongtdu St. Mary Mazzarello HS School bad ba lai Emidakashwa Synnah St. Dominic HS School.

Haka jingiakop High Jump jong ka kyrdan Under-16 Girls la jop da ka Tyrchain-i Chyrmang na Don Bosco Sec School, ba ar Hakadayo-i Sana North Liberty HS School bad ba Lai Sanika Bhoi Ummulong Presbyterian HS School.

Haka jingiakop ba 800 mitar jong ka kyrdan Under-18 Girls la jop da ka Jestina Dhar St. Mary Mazzarello HS School, ba ar Deiwarimayamika Dkhar North Liberty HS School bad ba lai Iwalana Passah Govt. Girls HS School.