Sdang ka coaching football ka Kyrmen Foundation bad ka Rangdajied Utd FC ha Khliehriat

Syllad | The Rising MeghalayaMay 4, 2024

Ka Kyrmen Foundation kaba la iateh paralok bad ka Rangdajied United Football Club (RUFC) kala sdang iaka jinghikai football iaki hep ki barit ka ban neh shisnem lynter ha Khliehriat.

Ia kane ka jinghikai kaba tip kum ka ‘Kynsai Football Programme’ la sdang haka 4 tarik Jymmang ha madan Artificial Turf kaba don ha Diengshynrum, East Jaintia Hills District ha kaba la don 200 ngut ki khynnah bala bynta haka kyrdan Under-10, 12, 14 bad 16.

Ia kine ki khynnah yn hikai da ki Coach jong ka Rangdajied United Football Club bad ka jinghikai kan long arsien shi taiew kata haka janmiet sngi Palei bad step sngi Saitjain.

Ki Coach ki ban hikai iaki khynnah ki long u Bah Presence Bareh uba long u Head Coach jong ka Rymbai Shkenshynriah, u Bah Marlangki Suting bad Bah Poibiang Pohshna kiba dei ki rangialehkai kiba la mihkhmat na ka ri India haki lympung ialehkai bapher bapher.

U Myntri ka sorkar uba long MLA Khliehriat, Bah Kyrmen Shylla uba la sam iaki Puma Training Kits sha baroh ki khynnah ha jingdonlang u trai jong ka Rangdajied United FC u Bah Eugeneson Lyngdoh, u Bah Finlyness Bareh MDC Rymbai bad Lasky Rymbai Dy CEM JHADC, ki nongialam bad dkhot nongkitkam ka East Jaintia Hills District Football Association nalor kiwei kiwei ki riew Rangbah ka thain.