Sdang ka Christmas Carol haka shnong Latyrke
Ka Jingiaseng Samla Balang Presbyterian Latyrke haka sngi Thohdieng kala sdang iaka Christmas carol hapoh ka Balang kaba la shimbynta shitrhem da ki khynnah haduh ki rangbah.
Shuwa ban sdang ka Christmas carol la pynlong shwa da ka jingiaseng duwai ha ka jingiadon ryngkat lem u Pastor Mechak Shylla, Pastor H.Sutnga bad Tbn. LC Ryngkhlem, bad ki tymmen basan jong ka balang bad katto katne ngut ki rangbah kum u L Shylla, B Shylla.
Lyngba kane ka Christmas carol ka Jingiaseng Samla Balang Latyrke ka kitbok kitrwiang bad ai khublei Christmas ia baroh ban kynmaw ia ka jingwan longbriew u khun U Blei sha ka pyrthei.
Ka jingiaid carol jong Jingiaseng Samla Balang Latyrke ka la long kaba shongshit ha kaba ki khun ka balang kila iaid carol hapoh shnong haryngkat ka sur jingrwai bad la pynphuh pynphieng shuh shuh da kaba pynthaba iaki light khrik khrik nalor ka jingrwai jingshad bala shimbynta da ki khun ka balang.
La ioh jingkren na u Pastor M Shylla kum ka jinglamphrang bad la pynbud lyngba ka jingkren na u pastor incharge jong ka Balang Pastor H sutnga bad u Tbn JW Bamon.
Facebook
Instagram
Youtube
Twitter
Leave a Reply