Sdang ka 3rd Division Football ka WJDSA, khyrwit hattrick u Khainme

Syllad | The Rising MeghalayaMarch 28, 2022

Ka lympung ialehkai 3rd Division Football Tournament kaba la tip kum ka 2nd Adelberth Laloo Memorial Trophy kala sdang mynta ka sngi ha Kiang Nangbah Stadium da ka namjop ka Chyrmang pyrshah iaka Tympang da 5-0 kol.Chyrmang beat Tympang by 5-0.

Ha kane ka sngi sdang jong ka jingialehkai 3rd Division la mih paw ka hattrick kaba la ioh khyrwit da u Khainme Khlem. Ia kine ki kol u Khainme ula thep haka minit kaba (15, 58 & 80+1).

Nalor kine ki lai kol la thep sa ar kol da u Niwan Syad (24) bad uArkiru Syad (48)

Ha kane ka jingiakhun ka Chyrmang kala tam ha baroh ki liang bad ka Tympang kala hap ban hun iaka namrem kaba bun kol.

Ka lympung ialehkai mynta ka aiom, jait ba dei ka jingrakhe dap 50 snem ka WJDSA ka jingiashimbynta ki kynhun ruh kala kynjoh haduh 39 tylli bad la phiah ha ki phra pool.

Kine harum ki kynhun kiba iashimbynta:

Haka Pool-A ki kynthup ïaka Chyrmang Wah, Tympang, Mukhla Umlangshor, Mookyrdup bad Nonglatem.

Haka Pool-B ki kynthup ïaka Mynso Blazon, Mookaswan Dongñein, Mookymphad Mihmyntdu, Lumbhahdakha Wahïajer bad Risingsun Mukhla.

Haka Pool-C ki kynthup ïaka Newhill, Catholic Youth Mihmyntdu, Mookaswan Dongwah, Mupliang bad Madankynsaw Mookyndeng.

Pool-D ki kynthup ïaka Mulang Ìalong, Pamanik, Loompyrdi Ïongpiah, Tpep Pale bad Madan Thadmuthlong.

Pool-E ki kynthup ïaka Ksehsylle Ïalong, Khliehmyntdu Neinchnong Mihmyntdu, Samaro FC, Pateinki Sabah bad Maitshaphrang Mootyrshiah.

Pool-F ki kynthup ïaka Lumchyrmang Mihmyntdu, Saindur Mihmyntdu, Riatsaliya Mihmyntdu, Shangpung Khliehmuchut bad Lumkhangdong Kyndongtuber.

Pool-G ki kynthup ïaka Moodymmai, Ïong i dahi FC, Nangbah Khloopano, Mawsiang FC Nongkhroh bad Myrjai.

Pool-H ki kynthup ïaka Royal Pole Mihmyntdu, Pasyih Cultural and Sports Club, Nangbah Mooknor, Ïooksi Youth Walfare bad Khliehshnong Ïalong.