Sdang ka 3rd bad 2nd Division football ka WJDSA

Syllad | The Rising MeghalayaAugust 24, 2025

Ka lympung ialehkai 5th Adelbert Laloo Memorial Trophy-3rd Division Football Tournament bad 8th Debo Shullai Memorial Trophy-2nd Division Football Tournament kila sdang ha madan Kiang Nangbah Stadium, Ladthadlaboh Jowai haka 23 tarik Nailar.

Ia kine ki lympung ialehkai football la pyniaid da ka West Jaintia District Sports Association (WJDSA).

Haba phai sha ka jingialehkai haka sngi sdang ka 3rd Division, ka Loomiongkjam SC kala pynliem iaka Chyrmang Wah da 2-0. Iaki kol jong ka Loomiongkjam la thep da u Kamwamut Bamon (4) bad Embhahlang War (35).

Haka jingialehkai kaba bud, ka West Madan Mustem kala pynrem iaka Mookaswan Dongnein da 2-1.

Iaki kol jong ka West Madan Mustem la thep da u Beloved Talang (3) bad Nineciful Shylla (60), katba iaka kol jong ka Mookaswan Dongnein la thep da u Lastborn Phawa (35+1).

Haka jingialehkai 2nd Division, ka Lumbhahdakha Wahiajer kala jop da 3-2 iaka Lutituber Social Welfare.

Iaki kol jong ka Lumbhahdakha Wahiajer la thep da u Kamjuhhi Phawa (3 & 64) bad Balajied Shylla (27), katba iaki kol jong ka Luti Tuber Social Welfare l thep da u Daphi Dhar (40+1), bad Chalinstar Lyngdoh (53).