Sdang ka 13th District Open Badminton Championship ka WJDBA

Syllad | The Rising MeghalayaAugust 9, 2022

Ka West Jaintia District Badminton kala sdang iaka lympung ialehkai 13^th District Open Badminton Championship haka prem miet jong ka sngi  Nyngkong ha indoor hall jong ka Seinraij Jowai, Tpeppale.

Kane ka tournament kan neh hynriew sngi lynter ka ban kut haka 13 tarik une u bnai bad ki jingiakhun baroh kila kot haduh 102 tylli ki jingiakhun.

Kane ka tournament kalong ruh kum shibynta ba ki khynnah ialehkai ka district kin ioh ban pynkhreh ban leit iashimbynta haka state championship kaban long ha sor Tura ha u bnai ban wan.

Ki kyrdan ialehkai ki kynthup iaka Open Men’s & Women’s Single/Doubles, Mixed Doubles, 35+ Men’s Single/Men Doubles, 55+ Men’s (Single / Doubles).

Ki nongialehkai kiba la wan iashimbynta ha kane ka tournament ki long na kylleng ka rilum Jaintia kiba kynthup na Sutnga, Khliehriat, Shangpung, Wahiajer, Darang, Sohkha, ATS bad na sor Jowai. Baroh ki nongialehkai kila kynjoh sha ka 88 ngut kynthei bad shynrang.

U kongsan ba wan ban plie ia kane ka lympung u dei u Dolloi Elaka Jowai Ma Puramon Kynjing haka jingiadonlang u Ma Arwotki Sumer General Secretary Seiñraij Jowai kum u symbud kongsan nalor ki nongialam ka WJDBA bad kiwei kiwei.