Sdang ka 11th Secondary School Invitation Football Knockout Tournament ka Pdengshakap da ka namjop ka KSF-FT

Syllad | The Rising MeghalayaDecember 23, 2024

Ka lympung ialehkai kaba tip kum ka ’11th Secondary School Invitation Football Knockout Tournament’ kaba pyniaid da ka Dorbar shnong Pdengshakap, West Jaintia Hills District kala sdang da ka namjop ka KSF-FT haka 21 tarik Nohprah.

Ia kane ka lympung ialehkai la wan ban plie iaka da u Ma Markus Pohsnem SDO PWD Amlarem Sub-division haka jingdonlang ki riew rangbah jong ka thain bad ki nongshong shnong.

Ki don haduh 32 tylli ki kynhun na Rilum Khasi bad Jaintia kiba wan ban iashimbynta ha kane ka lympung ban pynmih pisa ka bynta ka skul Pdengshakap Secondary School

Ka lahduh ha kane ka lympung kan ioh khur iaka song pisa kaba T. 3,50,000 katba kaba wan ba ar T. 2,50,000.

Haka sngi sdang jong ka jingialehkai, ka KSF-FT kala jop iaka Nongrim Hills SSCC da 2-1.

Iaki kol jong ka KSF la thep da u Donbok Lyngdoh haka minit kaba 44 bad u Phrang Pakem haka minit kaba 68. katba iaka shikol jong ka Nongrim Hills pat la thep da u Gadiel Puia haka minit kaba 78.

Ka jingialehkai kaba bud, kan long haka 28 tarik Nohprah hapdeng ka Riverside FC pyrshah iaka Kynrumlang-i FC haka por 12.00 baje mynsngi, ka Synroplang FC pyrshah iaka Be My Fan haka por 2.00 baje nohphai sngi.