Sdang ka KSU Thangrain da ka Maitshaphrang Knockout Football Tournament

Syllad | The Rising MeghalayaOctober 30, 2022

Ka Khasi Students’ Union (KSU) Thangraiñ Unit kala sdang iaka lympung ïalehkai phutbol kaba tip kum ka “1st Maitshaphrang Knockout Football Tournament 2022” ha madan madaw Ïawmuchai, Thangraiñ haka sngi Saitjaiñ.

Ïa kane ka lympung ïalehkai la wan ban plie ïaka da u Agustan Timung Organing secretary KSU JHDU haka jingdonlang u Secretary shnong u Loadstar Nongjngi, Daeimi Liam president ka Shilliang Myntang Circle, ki nongïalam bad ki dkhot jong ka KSU Thangraiñ Unit bad kiwei.

La wan ïashim bynta da ki 32 tylli ki kynhun ïalehkai na ki dong ki shnong bapher bapher ka thaiñ.

Haka sngi sdang ka jingïakhun ka la long hapdeng ka Eagle FC kaba na Mynsngat pyrshah ïaka Turchaphrang FC kaba na Thadbamon bad ka Turchaphrang FC ka la pynliem ïaka Eagle FC da 2-0.

Ïaki Turchaphrang FC la thep da u Sevenson Myrchiang (53) bad u Livingstone Pakma (59).

Ïa kane ka lympung ïalehkai phutbol la pynlong shibynta ban kyntiew ïaki samla don sap ialehkai bad ba kin lait na ka jingngop haki jingdih pynbuaid ba har rukom.