Saw kol jop ka Pateinki Sabah haka Third Division ka WJDSA

Syllad | The Rising MeghalayaJuly 6, 2023

Ka kynhun ialehkai ka Moodop Royal, Pateinki Sabah, FAM bad ka Mookyrdup kila khur jingjop haka lympung ialehkai Third Division Football- 3rd Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ka namjop ka Moodop Royal kala wan hadien ba kala lah ban pynliem da 2-1 iaka Chatholic Youth Mihmyntdu. U Wanshwa Laloo marwei ula thep ia kine ki ar kol haka minit kaba 9′ bad 51′. Shikol ka Catholic Youth Mihmyntdu la thep da u Firterborn Talang haka minit kaba 53′.

Haka jingiakhun kaba bud, ka Pateinki Sabah kala jop haduh 4-0 pyrshah iaka Sohmynting Dongnein. U Treimi Shylla marwei ula thep ar kol haka 3′ bad 33′, la iarap sa mar shikol da u Pynshngain Shylla 47′ bad Lakhon Dkhar 65′.

Ka FAM kala jop da 1-0 iaka Kseh Sylle Ialong. Ia kane ka shikol la thep da u Pynshngainmiki Papang 36′.

Ha ka jingiakhun kaba khatduh jong ka sngi, ka Mookyrdup kala jop da 2-0 iaka Khliehmyntdu Neinshnong Mihmyntdu, U Nidaiar Kamar ula thep ia baroh ar tylli kine ki kol haka 65′ bad 70’+1.

Lashai ka sngi Thohdieng bad Saitjain kan nym don jingiakhun namar ka jinglehkmen Behdieñkhlam ka Seinraij Jowai.