Sangeh trei 300 ngut ki nongniah trok ka Star Cement, dawa bai lynti thymmai

Syllad | The Rising MeghalayaSeptember 19, 2024

Haduh 300 ngut ki nongniah trok jong ka company Star Cement ki la sangeh treikam khlem buh por naduh 18 tarik Nailur namar ka jingbym pynurlong ia ki jingdawa jong ki, da ki nongpyniaid jong katei ka kompani kaba don ha Lumshnong, East Jaintia Hills District.

Kitei ki nongniah trok ki la pynpaw ia ki jingdawa jong ki ha ka shithi sha u Director jong ka Tnat Transport jong katei ka company.

Ka jingdawa kaba nyngkong ka long ba ka company kam dei ban weng kam mardor tang namar ba uno uno u nongniah u shim shuti na kino kino ki daw.

Ki la dawa pynneh iaka tulop kumba ju long 30,000 tyngka shi bnai namar ka jingkiew dor jong ki bam ki dih bad kumta ter ter.

Ki la dawa ban ai ka diesel kumba ju long kata haduh Umroi 165 Litre bad lada leit sha Byrnihat 175 litre bad 60 litre kumba ju long namar ba wan phai thylli.

Ki la dawa ba dei ban pynkiew ka bai bam ka dih ha lynti bad kiwei kiwei de ki jinglut na bynta ki nongniah jong ki trok 12 tyre na ka 2000 tyngka sha ka 2500 tyngka bad na bynta ki nongniah trok 16 tyre na ka 3000 tyngka sha ka 4500 tyngka.