Sangeh iakhih ki nongtrei ban ailad ïaka EC JHADC ban leit pan ïaka bhah T.97 klur

Syllad | The Rising MeghalayaMay 2, 2020

Ki nongtrei jong ka Jaintia Hills Autonomous District Council (JHADC) hapoh ka lama jong ka Jaintia Hills Autonomous District Council Staff Association (JHADCSA) kila rai ban sangeh ïakhih shipor ban ailad ïaka Executive Committee jong u Ma Thombor Shiwat ban leit dawa pyllait ïaka bhah khajna jong ka konsil naka sorkar kaba la kot haduh T. 97,46,45,425 klur haka sngi Thohdieng.

U  CEM JHADC Ma Thombor Shiwat ula khot iakren ïaki nongialam ka JHADCSA bad hadien ba ula pynshai bad pynsngewthuh ïa ki daw baka EC kam shym la lah  satia ban pynioh ïaka tulop namar ba ka dang shah ram haduh T.97, 46, 45, 425 klur katkum ka jingkhein kaba la khein AG haka Sorkar Jylla.

U Ma Thombor ula iathuh ba ka Executive Committee kaba u ialam kam shym la shongkli kti bad naka por sha ka por kila iakren bad ka sorkar halor ban pyllait ia ka bhah ka konsil, hynrei namar ba jia ka Lockdown ban iakhun iaka khlam COVID-19 la buhteng ka jingiakynduh bad u CM Conrad K Sangma.

Lada ka sorkar ka pyllait ia kane ka pisa kam don jingeh iaka konsil ban siew iaka tulop ki nongtrei, ong u ma Thombor Shiwat.

Dei hadien ka jingialang, ki nongtrei ka konsil bad ka Executive Committee kaba la ialam da u Ma Thombor kila poi sha ka jingiasngewthuh jingmut.

Ka JHADCSA ruh kala aipor iaka EC u Ma Thmobor haduh 15 tarik une u bnai ban pynioh ïaka tulop bad lada kim ïoh kin sa shong pyrkhat haka 18 tarik Jymmang ban shim da kawei pat ka rai.