Sam marbam ka KSU Jowai bad San Shnong

Syllad | The Rising MeghalayaJune 24, 2021

Ka KSU San Shnong Unit bad ka KSU Jowai Unit haka 21 tarik une u bnai kila sam marbam sha ki paidbah nongshong shnong kum shibynta ban kyrshan iaki hadien ba kila hap ban shongkset ha iing naka jingkhangdam COVID-19.

Ki shnong kiba ka KSU Jowai kala sam ka long ha Mihmyntdu sha ki 124 longiing bad ka KSU San Shnong kala sam ha Pynthorsale, Mukhaialong, Mutong, Cham Cham bad Lumshyrmit.

Kine ki marbam kiba la sam ka KSU ki kynthup ia u khaw, dai, umphniang bam.

Ha kane ka jingsam marbam ka KSU Sanshnong la donlang ki nongialam ka KSU Delmon Phawa, Vice president Andreas Sana, general secretary Pynkhreh Phawa, katba ha KSU Jowai u Ewan Phawa, S Paslieñ kiba long ki president bad secretary bad kiwei kiwei.