Sam marbam ka KSU ha ki ar jaka ha rilum Jaintia

Syllad | The Rising MeghalayaAugust 30, 2020

 Ka Khasi Students’ Union Wapung bad ka Thadlaskein Unit kila sam da ki mar bam ha ki ar jaka ha kane ka taiew kaba la dep ha East bad West Jaintia Hills District.

Ka KSU Wapung Unit haka 27.08.20 hapoh ka jingialam Deiniwan Lyngdoh president bad general secretary Shwari Ryngkhlem kila ai jingiarap da ki mar bam sha ki 5 tylli ki longiing kiba hap ban shong quarantine ban iada n aka jingpur ka khlam COVID-19. Ia kine ki mar bam la aiti waheh shnong ka Shnong Wapung Shnong u ma Mutlang Dkhar.

Katba ka KSU Thadlaskein pat kala nohsyñniang da u khaw nalor kiwei kiwei marbam mardih sha kawei ka jaka Ri khunswet haka shnong Wahiajer, West Jaintia Hills District haka 28 tarik une u bnai.

La leit ban aiti ia kine ki mar bam da Dayoo Pale uba dei u Asst General Secretary ka KSU Thadlaskein Unit, u Rimiki Kharsyntiew Publicity Secretary bad kiwei kiwei.