Sam khaw ki nongmihkhmat bad ka KSU ha Sonapyrdi

Syllad | The Rising MeghalayaMay 18, 2020

Ka Dorbar Shnong Sonapyrdi ka la sam paidbah ia u khaw ba 20 byrni sha baroh ki nongshong shnong ba la synniang da u MLA ka thain u Ma Shitlang Pale bad u MDC u Ma Emlangki Lamare kumjuh ka KSU Sonapyrdi.

U Shitlang Pale ula synniang 8 byrni, u Emlangki Lamare 10 byrni bad ka KSU Sonapyrdi 2 byrni.

Ka Dorbar Shnong ka la sam paidbah mynta ka sngi haka jingiadonlang u Waheh Shnong, ki riew Rangbah jong ka Shnong bad ki nongialam ka KSU Jaintia Hills District Unit ba kynthup ia u SS Niangti, u Cherity Suja bad ki dkhot ka KSU.

Ka Dorbar Shnong Sonapyrdi ka la pynpaw ka jingsngewnguh ia kiba la noh synniang sha ki nongshong shnong jong ka shnong khamtam ha kum kane ka por ka jingkhangdam (Lockdown) ha ba baroh ki longing ki shem jynjar ban pyndap pynbiang ia ki jingdonkam jong ka iing ka sem.

Naliang ka Dorbar shnong ka la kitbok kitrwiang ba kin ioh ka met ka phad kaba koit ba khiah kumjuh ban ioh ka jingnang jingstad bad ka jingshemphang ban shakri khambah iaki paidbah h ki por ki snem ban dang wan.