Sam glove bad sanitizer ka HNYF ha Ladrymbai

Syllad | The Rising MeghalayaAugust 1, 2020

Ka Hynñiewtrep National Youth Front (HNYF), Lad-Rymbai Unit hapoh ka jingialam jongu Jrem Surong President bad u Risuk Shylla General Secretary ha ryngkat ka jingsynran lang u Organising Secretary jongka HNYF East Jaintia Zone u Marchial Sungoh ki la leit sam ia 60 jur ki hand glove bad ki sanitizer sha ki nongshong iew bad nongdie dukan haka shnong Lad-Rymbai Khliehdupon, East Jaintia Jaintia Hills District.

Ia kine ki tiar ban iada na ka khlam COVID, ka HNYF kala sam haka 31 tarik une u bnai. Ha shwa ban sam ia kitei ki tiar kiba dei kum shibynta ban iakhun pyrshah iaka jingpur sted jongka khlam COVID-19, ki nongialam bad ki dkhot jongka seng ki la ai ia ki kyntien kyntu kynpham iaki nongshong iew bad nongshong dukan ba ki dei ban bud pyrkhing iaki kyndon bad ki jingbthah ba la pynmih da ki bor sorkar bad kumjuh ruh ki bor pyniaid shnong pyniad thaw khnang ba yn lah ban iakhun pyrshah iaka kane ka khlam kaba mynta. 

Ka HNYF ka la ban jur iaki paidbah ba dei tang ka jingkohnguh sneng jongngi baroh lang iaki kyndon bad ki hukum ba la pynjari da ki bor ba dei peit ba yn sa lah ban pynduhjait ia kane ka khlam COVID-19 lym kumta kan buh ha ka jingeh iaka imlang sahlang kumba la jia sha kiwei pat ki jaka lane ki ri jongka pyrthei.