Saipung Block SA: Iakhaid ka Lamyrsiang vs Latyrke, ka Tluh vs Shnongrim haka Super Div

Syllad | The Rising MeghalayaNovember 4, 2023

Baroh ar tylli ki jingialehkai, kata ka Lamyrsiang pyrshah iaka Latyrke, ka Tluh pyrshah Shnongrim kila kut noh da kaba iakhaid haka jingialehkai Super Division Football League ka Saipung Block Sports Association (SBSA) kaba long ha Lamyrsiang haka sngi Thohdieng.

Haka jingialehkai ka Lamyrsiang SSC bad ka Latyrke SC ka jingiakhun ka la kut da ka jingiakhaid mar 1-1.

Ha kane ka jingialehkai ka Latyrke ka la ioh ban pynkhih shuwa iaka jar haka minit kaba 44′ lyngba u Fadical Pohshna bad ka Lamyrsiang kala lah ka ban tan kylla iaka jingiakhun sha kaba iakhaid haka minit kaba 76′ lyngba u Go Goa Hangsing.

Haka jingiakhun kaba ar ka jingialehkai kala wai khlem don mano mano ba ioh pynkhih jar hapdeng ka Tluh bad ka Shnongrim.

Haka 6 tarik Naiwieng, ka jingiakhun kan long hapdeng ka Latyrke SC pyrshah iaka Shnongrim SC haka por 11.30 baje mynstep, ka Lakasein SC pyrshah iaka Tluh SC haka por 1.30 baje nohphai sngi.