Sa T.40 lak ym pat siew bai lum ñiut ki shnong sha ka Jowai Municipal Board

Syllad | The Rising MeghalayaSeptember 10, 2021

Sa T.40 lak tam ka pisa bai lum ñiut ka Jowai Municipal Board (JMB) ka dang shah ram na ki shnong kiba ka leit ban lum iaki ñiut ki ñier kiba mih na man la ka thilew ïing ha sor Jowai.

Ïa kane la ong da u Chairman jong ka JMB ma F War haka jingialang pynkup burom jong ka Dorbar Shnong Mynthong iaki nongtrei jong ka JMB kaba long haka sngi Thohdieng.

U Chairman JMB ula ong ruh ba mynta la 6 bnai kynthih ki nongtrei jong ka JMB kim shym la ioh tulop, hynrei kim shym la sangeh pat ban pyndep iala ka kamram ban wanrah iaka jingkhuid jingsuba ki shnong ki thaw bad ki iew ki hat.

U Chairman ula kyntu ia baroh ki shnong bad ki nongialam shnong bapher bapher ka sor Jowai ba kin shimkhia ban siew noh ïaka bai ñiut kaba ki dei ban ai sha ka JMB khnang ba kan lah ban pyniaid shakhmat iaki kam ki jam jong ka.

Ka JMB kam don kiwei kiwei ki lad ban pynmih pisa lait noh tang ka bai lum ñiut bad ki skim sorkar pdeng.