Sa ar bnai ai por ban pynpoi Aadhaar card ha EJH

Syllad | The Rising MeghalayaApril 29, 2025

U Deputy Commissioner (Supply), East Jaintia Hills District ula ai por sa ar bnai ban pynpoi ia u Aadhaar Card jong u khlieh ka iing na ka bynta ban bteng ban ioh myntoi na u khaw rashon.

Katkum ka hukum kaba la pynmih la ong: “Kane ka long ka jingpyntip sha baroh ki nongioh-bynta ia u Khaw Ration hapoh ka NFSA kiba don ia ka card AAY bad PHH ki bym pat pynpoi ia u Aadhaar Card jong u/ka khlieh jong ka iing (head of family) kumjuh ia ki dkhot (member) ba don hapoh ka ration card, ba naduh ka 1 tarik u Jymmang, 2025 ia ka bhah khaw ration jong ki yn ym pyllait shuh tad haduh ba kin wan pynpoi ia ki Aadhaar Card jong ki sha Office jong u Deputy Commissioner (Supply), East Jaintia Hills District.”

Lada jia ba kim lah ban pynpoi ia ki Aadhaar jong ki hapoh 2 (Ar) bnai naduh ba pyllait ia kane ka hukum, ia ka kyrteng jong ki yn weng noh na ka list jong ki nongioh bynta ia ka scheme NFSA (AAY lane PHH) bad ha ka jaka jong ki yn thep noh da ki wei.