Sa 4 team yn thep ka WJDSA haka second division, pyllait tender iaka jinglum bai rung

Syllad | The Rising MeghalayaMay 30, 2024

Ka Executive Council jong ka West Jaintia District Sports Association (WJDSA) kala shim iaka rai ban pynrung sa saw team haka jingialehkai second division naduh mynta ka aiom ialehkai.

Kumba ju long ka second division ka don 16 team, hynrei ha kane ka aiom kala rai ban thep sa 4 kynhun.

Ia kine ki 4 tylli ki team la khot da ka tender bad reserve price ne ka dor ka long naduh T.15000 hajar shaneng. Ka team kaba khlieh dor heh kan wan nyngkong bud kiwei pat katkum ka buh dor ba ki thied.

Lah ban ioh iaki form naduh 1 tarik haduh 6 tarik Jylliew 2024 haka dor T.200. Kiba thied kidei ban suhlang bad ka receipts haka tender form.

Ha kawei pat ka khubor, ka WJDSA ka pyntip kan die iaka Gate Collection na ka bynta ka lympung ialehkai 3rd Division, 2nd Division, 1st Division, Super Division & Under-17. Ka dor jong ka form ka long 200 tyngka kawei ka form bad kiba thep tender ki dei ban suhlang iaka receipt ba thied tender form bad ki bym don receipt yn nym pdiang iaka tender jong ki.

Ka WJDSA ka pyntip ruh ba iaka final Under-17 lada don ba bei pisa lyngba ka sorkar da ki skim, ka final kan ym don ka jinglum bai rung.

Baroh ar tylli kine ki tender yn plie haka 10 tarik Jylliew ophis WJDSA ha Kiang Nangbah Indoor Hall.