Rung UDP u State Youth wing President barim ka BJP

Syllad | The Rising MeghalayaJanuary 23, 2019

SHILLONG: U Egenstar Kurkalang President State Youth Wing barim jong ka Party BJP u la pynïasoh noh ïalade bad ka party UDP ha ka sngi Balang ha kaba un ïakhun ïa ka election MDC na Nongkrem Constituency.

La pdiang ïa u sha ka party UDP da u President State UDP Dr. Donkupar Roy ha ryngkat ka jingïadonlang u Nujorki Sungoh MLA, Alantry Dkhar  Vice-President, Dr. Jemino Mawthoh  General Secretary bad kiwei kiwei de ki dkhot jong ka party.

U Egenstar Kurkalang, u ba long u muktiar haba kren ula “ba ka jingmih jong u na ka Party BJP ka long na ka daw ba ki nongkyrshan jong u ki la ai jingmut ia u ban mih noh kane ka party. Kumjuh ruh u la ong ba ka  KHADC ka dei ka bor ba ïada ïa ngi ki jaidbynriew barit paid hynrei ka Party BJP kam da  sngewthuh  haduh katno  ka  jingeh jong ki briew ka thain jong ngi”. Ula ong ruh lada u ïaineh bad ka Party BJP ki jingthmu jong u kin nym poi shano shano

U Dr. Donkupar Roy ula ong ba ka jingpyniasoh jong u samla Egenstar Kurkalang sha ka party UDP ka long ka nuksa ba bha tam namar ka party ka donkam ïa ki samla ban mih shakhmat ha ki kam sain pyrthei bad u kyrmen ba une u samla un poi sha ka thong hakane ka election MDC.

.