Rung semifinal sa ka Diengshynrum bad ka Iatyllilang Hingaria haka 1st Div ka EJHDFA

Syllad | The Rising MeghalayaNovember 13, 2024

Ka kynhun ialehkai jong ka Diengshynrum bad ka Iatyllilang SC Hingaria ki dei sa ar tylli ki kynhun kiba la buh jaka haka kyrdan semifinal jong ka 1^st Division Football Tournament jong ka East Jaintia Hills District Football Association (EJHDFA).

Kane kala wan hadien ba kila khur jingjop haka quarterfinal kaba long haka 13 tarik Naiwieng ha madan artificial turf ha Diengshynrum.

Ka Diengshynrum kala pynliem da 5-1 iaka Bataw. Ia kine ki san kol la thep da u Leki Dkhar (25, 29), Khrehbha Lyngdoh (73), Welson Lyngdoh (76) bad Fadical Pohshna (81), katba shikol ka Bataw la thep da u Mihshwa Lyngdoh (31).

Ka Iatyllilang Hingaria kala jop da ka jingiashut penalty da 3-1 pyrshah iaka Rymbai Synrang Shahkhain. Ka jingiakhun haka por kaba la buh kila iakhaid mar 2 kol. Na kaliang ka Iatyllilang la thep da u Joshua Surong (22, 49) bad na ka Rymbai Synrang Shahkhain la thep da u Jeremy Nongtdu (47) bad Hikaidame Bareh (76).

Jam semifinal ka Wahiajer Narpuh bad ka Shilliang Umshong haka 1st Division kla EJHDFA