Rung semifinal ka Ratacherra Lumtrom haka football ka Elaka Narpuh SA

Syllad | The Rising MeghalayaNovember 20, 2021

Ka Ratacherra Lumtrom kala jop da 1-0 kol pyrshah iaka Ratacherra CSC haka jingiakhun quarterfinal ka lympung ialehkai football ka Elaka Narpuh Sports Association (ENSA) kaba long ha Umkiang haka sngi Saitjaiñ.

Ia kane ka kol jop ka Ratacherra Lumtrom la thep da u Brinald Khyriem haka minit kaba 41 kaba la biang pura iaka ban khur iaka namjop bad buh jaka ialade haka kyrdan jong ka semifinal ha kane ka lympung.

Haka sngi Nyngkong jong ka taiew ban wan, ka jingiakhun quarterfinal kan long hadpeng ka Dona Skur pyrshah Lumshnong YWSC B, Shymplong FC pyrshah iaka Lumsohskie SC bad ka jingiakhun kaba khatduh kan long hapdeng ka Lumshnong YWSC A pyrshah iaka Umkiang Sports Association.