Rung semifinal ka North Liberty HSS haka U-14 bad U-17 ka Subroto Cup u DSO Jowai

Syllad | The Rising MeghalayaJune 21, 2022

Ka North Liberty HSS kan long kawei na ki skul kaba la buh jaka ialade haka semifinal ha baroh ar kyrdan, katta ka Under-14 bad Under-17 Boys ka Subroto Cup u District Sports Officer, West Jaintia Hills District.

Kiwei pat ki skul kiba la buh jaka haka semifinal ki dei ka HK Singh Memorial SS, RC Eve SS bad ka Padu SS na ka Under-14 Boys. Katba ka Govt Boys’ HSS haka Under-17 Boys’

Kane kala wan hadien ba kine ki skul kila jop haka jingiakhun quarter final kaba long haka sngi ba Ar ha Kiang Nangbah Stadium.

Ka North Liberty HSS kala pynliem da 3-0 kol iaka Kiang Nangbah HSS, ka Govt Boys’ HSS kala jop da 1-0 iaka Ummulong Pres HSS haka under-17 Boys.

Haka Under-14 Boys, ka North Liberty HSS kala pynliem da 3-0 kol iaka JNM SS, Lamin, ka Govt Boys HSS kala shah rem da ka tie breaker da 2-3 haka RC Eve SS, Mihmyntdu.

Ka HK Singh Memorial SS kala jop da 2-1 kol iaka Jaintia SS bad ka Padu SS kala pynliem da 3-0 iaka Marianhill HSS.

Ka jingiakhun quarter ba dang sah ka long hadpeng ka Amwi Jarain SS pyrshah iaka Little Flower Ummulong HSS bad ka Marianhill HSS pyrshah iaka HK Singh Memorial SS haka under-17 Boys.

Na ki kynthei Under-17 ka jingiakhun ki kynthup iaka North Liberty HSS pyrshah iaka Little Flower HSS, Police Public SS pyrshah iaka Lumpyrtuh SS, ka Ri War COG pyrshah iaka Moodymmai SS bad ka Kiang Nangbah HSS pyrshah iaka Jowai Govt UP RMSA.

Baroh kine ki jingiakhun ba dang sah kin long haka sngi Palei.