Rung semifinal ka Chutwakhu haka second division, jop ka Mihmyntdu haka invitation football ka WJDSA

Syllad | The Rising MeghalayaSeptember 15, 2023

Ka Chutwakhu kala lah ha kaban buh jaka haka kyrdan semifinal hadien ba kala jop iaka Maitchaphrang Mowtyrshiah haka quarterfinal jong ka second division football tournament kaba pyniaid da ka West Jaintia District Sports Association (WJDSA) kaba long haka sngi Thohdieng.

Ha ka jingialehkai katkum ka por kaba la buh, ka jingiakhun hapdeng kine ki arliang kala wai khlem don mano mano ba ioh pynkhih iaka jar. Dei hadien bala rah sha ka tie breaker, ka Chutwakhu kala jop da 5-4.

Ha kawei pat ka jingialehkai, ka Mihmyntdu FC ka la pynliem da ka tie breaker da 4-2 iaka Tpep Swer FC haka (L) Kesilroy Pala Invitation Football Tournament 2023. Ka jingialehkai haka por kaba la buh kala wai da 2-2. Ki ar kol ka Mihmyntdu FC la thep da u Arwanki Rymbai 9′, 33′ bad nakaliang kaTpep Swer FC la thep da u Efficiency Siangshai 57′ bad u Bakiyo Dkhar 76′.

Lashai ka jingialehkai quarter final kaba saw haka second division kanlong hapdeng ka Lumpariat pyrshah iaka Mooknor Thadmuthlong haka por 11.30 baje mynstep. Haka Invitation Football pat kaban jam noh sha ka quarter final kan long hapdeng ka Nangbah Iawmusiang pyrshah iaka Sailung Ialong haka por 2pm.