Rung semifinal ka Chiehruphi haka First Div ka EJHDFA

Syllad | The Rising MeghalayaOctober 17, 2023

Ka Chiehruphi SYWSC ka la buh jaka ialade haka semifinal hadien ba kala jop da ka tie breaker da 4-2 pyrshah iaka Wahiajer NYSSC haka jingialehkai quarterfinal First Division Football Tournament kaba pyniaid da ka East Jaintia Hills District Football Association (EJHDFA) ha madan Diengshynrum haka sngi Nyngkong.

Ka jingialehkai haka por kaba la buh kala kut da 2-2. Na kaliang ka Wahiajer kala tam shuwa shakhmat hadien ba kala ioh thep iaki ar kol tang hapoh khyndai minit ba la iaid ka jingiakhun. Ia kine ki kol la thep da u Yearly Mukhim 4′ bad u Monme Mynsong 9′.

Hadien ba la shah tam da ar kol, ka Chiehruphi SYWSC khlem aili kala iakhun tyngeh ban ioh khyrwit kol bad kala urlong ruh hadien ba kala ioh thep shikol haka kylla step lyngba u Sa-o-Bareh 23, u bym shym la pynlehnoh ei iaka kabu ksiar kaba ula ioh lyngba ka penalty. Haka kylla miet ka Chiehruphi kala ioh ba tan kylla iaka jingiakhun haka minit kaba 58 lynba Suting Syrti.

Da kane ka jingiakhaid la rai iaka rem ka jop kine ki arliang mamla da ka tie breaker bad ka Chiehruphi kaba wan nadien kala tam kylla da 4-2.

Ka jingiakhun quarterfinal kaba ar kan long haka 17 tarik Risaw hapdeng ka Rymbai Synrang Shahkhian pyrshah iaka Ladrymbai B SC haka por 2.00 baje nohphai sngi.