Rung semifinal ka Catholic Youth Mihmyntdu bad ka Sabahmuswang haka Republic Day Cup ka WJDSA

Syllad | The Rising MeghalayaJanuary 16, 2024

Ka Catholic Youth Mihmyntdu bad ka Sabahmuswang ki la buh jaka ialade sha ka jingiakhun semifinal jong ka lympung ialehkai ki khynnah Under-13 Republic Day Cup Football Tournament 2024 ba la pyniaid da ka West Jaintia District Sports Association (WJDSA).

Kane ka la wan hadien ba ka Catholic Youth Mihmyntdu ka la pynliem iaka Iawmulong Nartiang da 1-0, katba ka Sabahmuswang ka la pynliem iaka Iongpiah da 6-5 lyngba ka jingiashut penalty haka jingiakhun Quarter Final kaba la long ha madan Kiang Nangbah Stadium Ladthadlaboh, Jowai haka 15 tarik Kyllalyngkot.

Iaka kol jong ka Catholic Youth Mihmyntdu la thep da u Wanbha Phawa haka minit kaba 21.

Ka jingiakhun hapdeng ka Sabah Muswang bad ka Iongpiah ka jingiakhun ka la kut da ka jingiakhait kaba mar 3-3. Kumta ban ioh iaka rai jop rai rem ki nongpyniaid ki la rah noh iaka jingiakhun sha ka Tia breaker bad dei hangne ba ka Sabah Muswang ka la khur iaka jingjop.

Iaki kol jong ka Iongpiah la thep da u Freddy Tariang haka minit kaba 7 & 13 bad u Dayoohi Laloo haka minit kaba 51. Katba iki kol jong ka Sabah Muswang la thep da u Wohjrem Shylla haka minit kaba 18, u Clifford Shadap haka minit kaba 28 bad u Kyrchanlang Chyrmang haka minit kaba 58.