Rung semifinal Caroline Colony da ka namjop 4-3 iaka Pasyih haka 18 above football ka WJDSA

Syllad | The Rising MeghalayaNovember 25, 2021

Ka Caroline Colony ka dei ka kynhun kaba lai kaba la buh jaka haka kyrdan jong ka semifinal hadien ba kala jop iaka Pasyih CSC da 4-3 kol haka jingiakhun quarterfinal jong ka 18 Above football League Knockout Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ka Caroline Colony kala thep ia kine ki saw kol lyngba u Samkupar Passah (6), Ban Nangsan Dkhar (18), Sebastian Dhar (40) bad u Donald Litting (90+2).

Katba na kaliang ka Pasyih CSC la thep da u Hammylliñ Dkhar (4), Ribaitki Dkhar (15) bad u Sakhiat Siangshai (62).

Kine ki saw kol ka Caroline Colony kala biang pura iaka ban khur iaka namjop bad buh jaka haka semifinal ha kane ka lympung.

Kumban shu iathuh ba ki kynhun kiba la buh jaka haka semifinal ki kynthup iaka 7 Wasa Utd, Lutituber Ialong ba dka Caroline Colony.

Ka jingiakhun quarter kaba khatduh kanlong hadpeng ka Mukhla Raij pyrshah iaka Newhill  ka ban long haka 27 tarik une u bnai.