Rung Scouts & Guides ki samla pule ka Thomas Jones synod College

Syllad | The Rising MeghalayaAugust 8, 2019

JOWAI:  Ka Thomas Jones Synod College, Jowai kaba dei kawei na ki shlem ai jinghikai ïa ki khynnah samla kaba ailad ïa ki khynnah pule ba kin ïadonbynta bad kiwei kiwei ki kynhun ba trei na ka bynta ka miat ka bha jong ka imlang sahlang bad ha ka 7 tarik u Nailar 2019 ki bor pyniaid kane ka kolej kila ai lad ïaki samla pule kane ka kolej ba kin rung ban long dkhot haka Scouts-Guides Movement kaba dei kawei na ki seng ba don ha shityllup ki ri ka pyrthei.

Ha kane ka sngi shwa ban poi ka bynta jong ka jingpynrung dkhot ia ki khynnah pule ka la don ka jingialang lamkhmat ha kaba la pyniaid da ka Ranger Leader Thomas Jones Synod College kong Rosy Bang ha ryngkat ka jingiadonlang u Principal Dr. RR Kharkongor, ka Dr. I Dkhar, Vice-Principal Thomas Jones Synod College bad ki dkhot ka Meghalaya Bharat Scouts & Guides kiba kynthup ia u ma W Lyngdoh, Jt. State Secretary egahlaya Bharat Scouts & Guides, Shillong (MBS&G), Shillong, Kong W. Tariang, State Training Commissioner, Guides, kong C Susngi, District Training Commissioner, West Jaintia Hills District, kong Siami Shylla, District Organiser Guides, ma Adiam u bthuh, Asst. District Secretary MBS&G wa u ma Elvis Dkhar, District Organiser Scouts, West Jaintia Hills District.

U Ma W. Lyngdoh haba ai jingkren kum u khlieh ba dei peit ia ka MBS&G u ong kane ka long shibynta jong ka pule puthi ha kaba ki Scouts, Guides, Rover bad Ranger ki ïoh shibun ki jingtip bad jingmyntoi kiba long ha ki rukom bapher kyrpang ban saiñdur saindar ïa ka longbriew manbriew ha ka liang ka im miat im bha bad ruh ban ïarap ïa kiwei bad trei na ka bynta ka imlang sahlang.

Ka kong W Tariang, State Training Commissioner Guides haba kren ka khot bad wer ia ki Recruit Ranger jong ka Thomas Jones Synod College ba kin trei ia ka kamram da ka jingiaishah bad kut jingmut.

Ïa ka bynta ban pyndep ïaka jingkular ha kane ka sngi la shimti ban pyndep da ka kong C.Susngi, DOC-Guides Guides ha kaba ki 39 ngut ki samla pule kynthei ka Thomas Jones Synod College kila pynïasoh bad rung haka Meghalaya Bharat Scouts & Guides kum ki Ranger.