Rung quarter final ka North Liberty HSS ha baroh lai kyrdan haka Subroto Cup u DSO Jowai

Syllad | The Rising MeghalayaJune 27, 2023

Kki khynnah ialehkai North Liberty Higher Secondary School ki la lah ha kaban buh jaka ialade haka kyrdan quarter final ha baroh lai tylli ki kyrdan, Under-14 Boy’s, Under-17 Boy’s and Girl’s haka lympung ialehkai District Level Inter School Subroto Cup Football Tournament kaba pyniaid da u District Sports Officer, West Jaintia Hills District.

Kane kala wan hadien ba ka North Liberty HSS kala jop haka haka jingiakhun pre quarter final kaba long ha Kiang Nangbah Stadium haka sngi ba ar.

Haka jingiakhun Under-17 Boy’s, ka North Liberty HS School ka la pynliem ïaka Ialong Secondary School da 7-0.

Haka Under-17 Girl’s, ka North Liberty HS School ka la pynliem ïaka HK Singh Memorial Secondary School da 6-0.

Katba haka Under-14 Boy’s ka North Liberty HS School ka la pynliem ïaka Little Flower HS School, Ummulong da 4-2 lyngba ka Tie-breaker.

Kiwei pat ki skul kiba la rung sha ka jingïakhun quarter final ki long ka Jowai Govt. UP & RMSA School hadien ba kala pynliem ïaka Amwi HS School, Thangbuli da 4-3 lyngba ka Tie-breaker haka jingiakhun Under-17 Girl’s.

Haka Under-14 Boy’s, ka Govt. Boys HS School kaba la pynliem ïaka Moosachram UP School da 4-3 lyngba ka Tie-breaker bad ka RC Eve Secondary School kaba la pynliem ïaka JNM. Secondary School, Lamin da 6-0.

Kine harum ka dur ki jingiakhun lashai ka sngi: