Rung quarterfinal sa ka Ladrymbai B bad ka Tpepswer haka First Div ka EJHDFA

Syllad | The Rising MeghalayaOctober 9, 2023

Ka Ladrymbai B bad kaTpepswer SSWo kila rung sha ka quarterfinal jong ka First Division Football Tournament kaba pyniaid da ka East Jaintia Hills District Football Association (EJHDFA) kaba long ha madan ialehkai artificial turf ha Diengshynrum haka sngi Nyngkong.

Haka jingialehkai na ka Pool A, ka Ladrymbai B kala pynliem da 2-0 iaka Musniang. Ia kine ki kol ka Ladrymbai la thep da u Daukimiki Dkhar 24′ bad 78′. Da kane ka namjop ka Ladrymbai kala pynthikna ialade ban rung shaka quarterfinal jong kane ka lympung.

Katba kawei pat ka jingialehkai naka Pool B, ka Lumshken kala jop da 1-0 iaka Shilliang Umshong. Ia kane ka kol la thep da u Markos Bareh 11′ kaba la mih paw haka dur jong ka penalty. Kane ka namjop ka Lumshken iaka Shilliang Umshong kala pynkylla iaka resol bad la rung quarterfinal da ka Tpepswer kaba wan shakhmat haka miej iakhein poin.