Rung quarterfinal sa ka Azad bad ka KSF haka football ha Pdengshakap

Syllad | The Rising MeghalayaFebruary 10, 2025

Ka Azad AFC2 bad KSF FC ki dei ki sa artylli ki kynhun kiba rung shaka quarterfinal jong ka lympung ialehkai ‘11th Secondary School Football Knock-out Tournament 2024-25’ ba la pyniaid da ka Dorbar shnong Pdengshakap.

Kane ka wan hadien ba ki ar kynhun kila khur nam jop haka jingialehkai jong ka wat kaba ar ne 2nd Round kaba la long ha madan Pdengshakap haka 8 tarik Rymphang

Haba phai shaka jingialehkai ka Azad AFC2 kala pynrem iaka DC da 4-3 lyngba ka jingaishut tie-breaker hadien ba ka jingiakhun haka por ba ka buh kala kut da mar 2-2.

Iaki kol jong ka DC la thep da u Shongsuk Jungai (14) bad Fred Lamare (36) katba iaki kol jong ka Azad AFC2 la thep da u Wadshwa Lato (38) bad Bachan Pale (70).

Haka ka jingialehkai kaba bud, ka KSF FC kala pynliem iaka Golden Lion Syndai FC da 2-0. Ia kine ki kol la thep da u Owan Pajuh (69) bad Aenam Jyrwa (70).

Ka jingialehkai ba khatduh jong ka wat kaba ar kan bteng haka 15 tarik Rymphang hapdeng ka YC Pdengkarong pyrshah iaka Nongdawah SC (Mawryngkneng) haka por 2.00 baje nohphai sngi.