Rung quarterfinal sa ka 11 Deilang FC haka invitation knockout football ha Wahiajer

Syllad | The Rising MeghalayaNovember 19, 2024

Ka 11 Deilang FC kala jam noh sha ka kyrdan jong ka quarterfinal haka 8th Invitation Knock Out Football Tournament kaba pyniaid da ka Wahiajer Sports Club ha madan Wahiajer Sports Complex.

Kane ka la wan hadien ba ka 11 Deilang FC kala pynliem iaka Chaphrang Iong-I FC da ka tie breaker da 5-4 haka jingialehkai kaba long haka 19 tarik Naiwieng. Haka jingialehkai haka por kaba la buh ka jingiakhun kala kut da 2-2.

Na kalieng ka 11 Deilang FC la thep da u Manbha Iawphniaw (9, 41) katba na kaliang Chaphrang Iong-I FC la thep da u Francis Mukhim (20, 79).

Iaka nam man of the match la ioh da u Manbha Iawphniaw na 11 Deilang FC.

Ka jingialehkai kaba bud kan long haka 25/11/24 hapdeng ka Thadmusem pyrshah iaka New Shillong haka por 1:30 baje nohphai.