Rung quarterfinal ka Wahiajer Narpuh, Rymbang Synrang Shahkhain bad ka Jalyiah haka 1st Div ka EJHDFA

Syllad | The Rising MeghalayaOctober 29, 2024

Ka Wahiajer Narpuh YSSC, Rymbai Synrang Shahkhain bad Jalyiah UTD SC kila lah ha ka ban pynthikna ialade ban buh jaka haka kyrdan quarterfinal jong ka jingialehkai 1st Division Football Tournament kaba pyniaid da ka East Jaintia Hills District Football Association (EJHDFA).

Kane kala wan long hadien ka jingialehkai kaba long haka 29 tarik Risaw ha Diengshynrum hadien ba ka Rymbai Synrang Shahkhain kala jop da 2-1 iaka Moolamanoh, katba ka Wahiajer Narpuh kala iakhaid bad ka Jalyiah.

Ia ki ar kol ka Rymbai Synrang Shahkhain la thep da u Backstar Dkhar (31) bad Sooki Bareh (52) katba iaka kol jong ka Moolamanoh SC la thep da u Eriston Dkhar (87).

Haka jingialehkai kaba bud, ka jingiakhun kala kut da ka jingiakhait kaba mar 1-1 hapdeng ka Wahiajer Narpuh YSSC bad Jalyiah UTD SC.

Nakaliang ka Wahiajer la thep da u Santosh Teron (28) bad na ka bynta ka Jalyiah UTD SC la thep da u Sankhlur Phawa (61).

Haka 31 tarik Risaw ka jingialehkai kan long hapdeng ka Shiliang Umshong SC bad Tpepswer SSWO haka por 11.30 baje mynstep. Ka Iatyllilang SC Hingaria bad Lumshken SC haka por 1.30 baje nohphai.