Rung quarterfinal ka Padu Utd bad ka Shkenpyrsit haka Lower Div, jop ka Amlanai haka Upper Div ka ASSA

Syllad | The Rising MeghalayaDecember 17, 2024

Ka Shkenpyrsit bad Padu United kila lah ha kaban buh jaka ialade haka quarterfinal jong ka Lower Division Football Tournament kaba pyniaid da ka Amlarem Sub Divisional Sports Association (ASSA) ha madan Mini Stadium Ladjaplem haka 16 tarik Nohprah.

Katba ka Amlanai kala jop da 2-0 pyrshah iaka Trangblang haka Upper Division. Ia kine ki ar kol la thep da u Bhalangki Mukhim (31, 51).

Haba phai sha ka jingialehkai pre-quarterfinal jong ka Lower Division, ka Shkenpyrsit kala jop iaka Krang Pamtadong da 4-3 lyngba ka jingiashut tie breaker. Haka por kaba la buh ka jingiakhun kala wai da 1-1.

Na kaliang ka Krang Pamtadong kala tam shakhmat lyngba ka kol kaba la thep u Hoijuh Sumer (30), katba ka Shkenpyrsit la thep da u Carlos N Sana (56).

Haka jingialehkai kaba bud, ka Padu United kala pynliem da d 3-1 iaka Amsalang SC. Ia kine ki lai kol ka Padu kala ioh thep lyngba u Skhemmon Pohthmi (6), Banjop Nongpluh (49) bad (55) (P). Katba ka shikol jong ka Amsalang la thep da u Samlyngdoh (32).