Rung quarterfinal ka Chiehruphi bad ka Byndihati haka First Div ka EJHDFA

Syllad | The Rising MeghalayaOctober 6, 2023

Ka Chiehruphi SYWSC bad ka Byndihati SC kila lah ha kaban buh jaka ialade haka kyrdan jong ka quarterfinal haka First Division Football Tournament kaba pyniaid daka East Jaintia Hills District Football Association (EJHDFA).

Kane ka la wan hadien ba ka Chiehruphi SYWSC bad ka Byndihati SC ki la khur jingjop haka jingiakhun ba khatduh jong ki haka wat kaba nyngkong kaba la long ha madan artificial turf Diengshynrum, Khliehriat haka sngi Thohdieng.

Haba phai sha ka jingialehkai ka Chiehruphi SYWSC ka la pynliem da 3-1 iaka Pamrapaithlu SC. Ia kine ki lai kol ka Chiehruphi la thep da u Suting Syrti arkol haka minit kaba 31′, 37′ bad u Sa-o Bareh haka minit kaba 62′. Shikol na kaliang ka Pamrapaithlu la thep da u Firstboy Rymbai haka minit kaba 57′.

Ka Byndihati SC ka la jop da 1-0 iaka Bataw YWSC. U Kyrshan Nongtdu ula thep ia kane ka kol jop ka Byndihati haka minit kaba 55′.

Kane ka lympung ka ban jam noh artad sha ka quarterfinal, ka dang sah sa saw tylli ki jingialehkai ban pyndep bad kine ki jingialehkai ki long na baroh saw thup haka 9 bad 10 tarik une u bnai.