Rung quarter final ki thei bad rang ka North Liberty, Marianhill Govt Boys Jaintia & Padu haka U-14 Boys haka Subroto Cup ha Jowai

Syllad | The Rising MeghalayaJune 16, 2022

Ka North Liberty HSS ka khur nam jop haka kyrdan ha baroh ar kyrdan, katta haka Under-14 Boys bad Under-17 Girls jong ka lympung ïalehkai Inter School Subroto Cup kaba la pynïaid da ka ophis u District Sports Officer, West Jaintia HIlls District, Jowai.

Kane kala wan hadien ba ka North Liberty HSS kala khur namjop haka jingiakhun kaba long madan Kiang Nangbah Stadium haka sngi Palei.

Haka Under-14 Boys ka North Liberty HSS ka la pynliem ïaka Little Flower HSS School da 1-0 katba haka Under-17 Girls ka North Liberty HSS ka la pynliem ïaka Mihmyntdu SS da 7-0.

Ha kiwei pat ki jingiakhun Under-14 Boys ki long ka Marianhill HSS kaba la pynliem ïaka Jowai Presbyterian UPS da 2-0. Ka Govt Boys HSS ka la pynliem ïaka St Claret Phramer da 3-1. Ka Jaintia SS ka la pynliem ïaka Mihmyntdu SS da 1-0. Ka Padu SS ka la pynliem ïaka Adventist ATS School da 5-0.

Shuh shuh ka ophis u DSO, WJH kala pyntip ba iaka jingiakhun ka ban long lashai ka sngi bad haka sngi Saitjain la hap ban pynsngeh noh hadien ka jingwan ther jur u slap. Ka prokram iakhun kan neh kumjuh la ong u DSO.