Rung quarter final ka Mowkyndeng & Mookyrdup haka Third Div ka WJDSA

Syllad | The Rising MeghalayaMay 5, 2022

Ka Madankynsaw Mowkyndeng bad ka Mookyrdup kila buh jaka ïalade haka jingïakhun quarter final haka lympung ialehkai 3rd Division Football Tournament- 2nd Adelbert Laloo Memorial Trophy” jong ka West Jaintia District Sports Association (WJDSA).

Kane kala wan hadien ba kila jop haka jingiakhun pyrshah iaka Lumbhahdakha, Wahiajer bad ka Thadmuthlong kaba long ha Kiang Nangbah Stadium haka sngi Palei.

Ka Madankynsaw Mookyndeng ka la pynliem ïaka Lumbhahdakha Wahiajer da 2-1 kol.

Ka Madankynsaw Mowkyndeng kala tam shakhmat shi kol lyngba ka kol kaba la thep da u Ferdinand Sayoo (12). Ka kol kaba ar la thep da u Dangri Phawa (77). Na kaliang ka Lumbhahdakha Wahiajer la thep da u Gideon Mukhim (43).

Haka jingïakhun kaba bud ka Mookyrdup ka la pynliem ïaka Madan Thadmuthlong da ka tie breaker 6-5. Haka jingïakhun haka por ba la buh ka jingïakhun ka la kut da mar 1-1.

Ka kol na kaliang ka Mookyrdup la thep da u Nicky boy Swer (19) bad ïaka Madan Thadmuthlong la thep da u Pyniaid Tang (26).

Lashai ka sngi ka jingïakhun pre quarter kan long hapdeng ka Maitchaphrang Mootyrchiah pyrshah ïaka Royalpole Mihmyntdu haka por 1.00 baje nohphai sngi ka Khliehmuchut Shangpung pyrshah ïaka Iong i dahi FC haka por 3.00 baje nohphaisngi.