Rung quarter final ka Brother Enterprises bad ka Rymbai Shkenshynriah haka football ha Pdengshakap

Syllad | The Rising MeghalayaJanuary 27, 2025

Ka Brother Enterprises bad ka Rymbai Shkenshynriah kila jam sha ka quarterfinal haka jingialehkai football haka Pdengshakap. Kane kala wan hadien ba kila khur namjop haka jingialehkai jong ka wat kaba ar kaba long ha Pdengshakap haka 25 tarik Kyllalyngkot.

Ia kane ka tournament ka pynlong da ka Dorbar Shnong Pdengshakap kaba tip kum ka 11th Secondary School Football Knock-out Tournament 2024-25.

Haba phai sha ka jingialehkai jong ka wat kaba ar, ka Brother Enterprises FC kala jop da ka tie breaker da 5-4 pyrshah iaka Kynrumlang-i FC hadien bala kut ka jingialehkai khlem don mano mano bai oh pynkhih iaka jar.

Ha kawei pat ka jingialehkai ka Rymbai Shkenshynriah SC kala jop da 2-0 iaka Amlanai YB. Ia kine ki ar kol la thep da u Jeremy Nongtdu (52) bad u Hesmiky Rymbai (54).

Ka jingialehkai ha kane ka tournament kan bteng haka 1 tarik Rymphang (Saitjain) hapdeng ka Synroplang FC pyrshah iaka Nangbah Mulang SC haka por 12 baje bad kawei pat ka jingialehkai ka Golden Lion FC (Rymbai) pyrshah iaka Namrhenlang-i FC haka por 2 baje nohphai sngi.