Rung phainal ka Ratacherra bad ka Lumshnong haka football ka Elaka Narpuh SA

Syllad | The Rising MeghalayaNovember 24, 2021

Ka kynhun ialehkai jong ka Ratacherra Lumtrom SC bad ka Lumshnong YWSC A kila rung shaka phainal haka football kaba pyniaid ka Elaka Narpuh Sports Association (ENSA) hadien ba kila khur namjop haka jingiakhun semifinal pyrshah iaka Donaskur FC bad ka Shymplong SC kaba long ha Umkiang haka sngi ba Ar.

Haka jingiakhun semifinal ba nyngkong ka Ratacherra Lumtrom SC kala jop daka jingiashut tie breaker da 3-1 kol. Haka jingiakhun katkum ka por bala buh ka jingiakhun kala kut khlem don mano mano ba ioh pynkhih jar.

Ka Lumshnong YWSC A haka jingiakhun semifinal ba ar kala pynliem haduh 6-1 kol iaka SHymplong SC.

Ia kine ki kol la thep da u Maiki Nongtdu (11, 26, 33) uba la khyrwit hattrick, la iarap thep mar shikol da u Justine Niang (6),Nelson Rymbai (7), Ruki Syrti (68).

Shikol ban lait brut ka Shymplong kala ioh thep lyngba u Raplang Syih (42).

Ka jingiakhun phainal hapdeng ka Ratacherra bad ka Lumshnong kan long haka sngi Saitjain haka 12:45 PM ha Umkiang.