Rung ka Lion sha ka semifnal haka Second Division, jop ka Salaroh haka invitation football ka WJDSA

Syllad | The Rising MeghalayaSeptember 14, 2023

Ka Lion kala lah ha kaban buh jaka ialade sha ka Semifinal hadien ba kala pynliem da 3-0 iaka Iawmulong Nartiang haka lympung ïalehkai 2nd Division Football Tournament-6th Debo Shullai Memorial Trophy a pynïaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

U Chanmitre Dkhar ula thep ar kol 22’, 77’ bad u Banteibor Syngkrem 59’ shikol  kaba la biang pura iaka Lion ban khur iaka namjop.

Haka jingialehkai (L) Kesilroy Pala Invitation Football Tournament 2023, ka Salaroh kala jop da 4-2 iaka War Jaintia Vetaran bad buh jaka ialade haka quarterfinal.

U Donald Diengdoh ula khyrwit lai kol 34’, 36’, 51’ bad shikol da Apborlang Kurbah 32’ kaba lam lynti iaka Salaroh ban khur iaka namjop.

Ia ki ar kol jong ka War Jaintia Veteran FC la thep da u Rooney Lamin 16’ bad u Bless Pamthied 54’.

Ka jingialehkai quarterfinal haka 14 tarik Nailur kan long hapdeng ak Shangpung Khliehmuchut pyrshah iaka Khliehmynkrem haka por 11:30 Am. Kawei pat ka jingialehkai haka Invitation Football kan long hapdeng ka 7 Wasa pyrshah iaka Jarain FC haka por 2 PM