Rung final sa ka Sohkha Shnong bad ka Hynriam YC haka Lower Div ka ASSA

Syllad | The Rising MeghalayaDecember 19, 2024

Ka Sohkha Shnong bad Hynriam YC kila buh jaka ialade haka kyrdan quarterfinal haka Lower Division Football Tournament ba la pyniaid da ka Amlarem Sub Divisional Sports Association (ASSA).

Kane ka la wan hadien baka Sohkha Shnong kala pynliem da 2-0 iaka Nongbareh Lyntiar, ka Hynriam YC kala jop da 1-0 iaka Satpator haka jingialehkai pre-quarterfinal kaba la long ha madan Mini Stadium Ladjaplem, Amlarem haka 18 tarik Nohprah.

Ia ki kol na ka bynta ka Sohkha Shnong la thep da u Bestmeyou Tariang (25) bad Luminous Tongper (55).

Katba iaka kol jop ka Hynriam YC la thep da u Treyo Kassar (9).

Haba phai shaka jingialehkai Super Division, ka jingialehkai kala kut da ka jingiakhaid kaba mar 1-1 hapdeng ka Umladkhur SC pyrshah iaka Lumpyngngad SC.

Iaka kol jong ka Umladkhur la thep da u Augustine Buam (9) bad iaka Lumpyngngad la thep da u Ngiatbit Amrynsong (53).

Ha kawei pat ka jingialehkai ka Amlarem SC kala jop da 2-0 iaka Jarian CSC. Ia kine ki ar kol ka Amlarem la thep da u Iaid Jungai (47) bad Tip Rasmut (63).