Rung final sa ka Mulang Ialong haka 3rd Div ka WJDSA

Syllad | The Rising MeghalayaSeptember 4, 2024

Ka Mulang Ialong ka long kawei pat ka kynhun kaba la rung sha ka kyrdan final hadien ba kala pynliem da 2-1 iaka Myrjai haka 3rd Division Football Tournament -4th Adelbert Laloo Memorial Trophy kaba long ha Kiang Nangbah Stadium ka ban long haka 4 tarik Nailur.

Da kane ka namjop ka Mulang Ialong kan aireng pyrshah iaka Newhill haka final.

Na kaliang ka Mulang Ialong la thep ia kine ki kol da u Dangaitlang Mulieh (22) bad u Samith Pale (89) haka extra time kaba la biang pura iaka Mulang ban khur iaka namjop. Shikol ka Myrjai la thep da u Jumonki Phawa (70).

Haba phai shaka jingialehkai 2nd Division Football Tournament, ka Chilliangraij kala jop iaka NSA da 4-2.

Iaki kol jong ka Chilliangraij la thep da u Iaki Lanong (28), Hamewan Rngad (30, 67), bad u Dathrang Iakai (44).

Ar kol na kaliang ka NSA la thep da u Gabrial Siangshai (38) bad Richard Pasi (76).

Haka 5 tarik Nailur, ka jingialehkai haka 2nd Division kalong hapdeng ka Khliehmyntang Ialong pyrshah iaka Shangpung Moosyiem haka por 12.00 baje mynsngi bad ka Panaliar pyrshah iaka Lumpariat haka por 2.00 baje nohphai sngi.