Rung final ka Ummulong haka District Cricket League ka WJHDCA

Syllad | The Rising MeghalayaMay 17, 2025

Ka kynhun ialehkai cricket ka Ummulong CC ka la ioh rung sha ka final jong ka District Cricket League 2025, kaba pyniaid da ka West Jaintia Hills District Cricket Association (WJHDCA) hadien baka lah ban pynliem noh ia ka Mupliang SC da 6 wicket ha ka semifinal kaba ar kaba long ha Khliehtyrshi haka sngi Saitjain.

Ka Mupliang haba tied nyngkong hadien ba rem iaka toss kala kamai 56/10 na ka 17.3 over. Tang arngut na ki nongtied ka Mupliang kiba poi ar dak jingkhein kynthup ia u Oniwanker Sna (13 run) bad u Sandy Kharshandi (10 run). U Heimonlang Lyngdoh bad u Carefully Gassah na ka Ummulong CC ki la ioh khyrwit mar 3 wicket.

Haba poi ka pali Ummulong CC ban beh ia ka thong pynkut da kaba kamai 60/4 na ka 5 over. U Sylvester Mylliempdah bad  Rejoice Gassah kila synniang mar 16 run. Na kaliang ki nongkawang ball ka Mupliang u Defender Dhar bad u Sandy Kharshandi na kila ioh mar 2 wicket.

U Heimonlang Lyngdoh, ula khur iaka nam man of the match.

Ka jingialehkai final kan long hapdeng ka Mowkaiaw CYC pyrshah ia ka Ummulong CC kaba dei ruh ka lahduh mynshem snem haka 21 tarik Jymmang 2025 ha ka por 9:00 baje mynstep.