Rung final ka Thangskai Tiger haka Super Div ka EJHDFA

Syllad | The Rising MeghalayaDecember 13, 2024

Ka Thangskai Tiger SC kala rung sha ka final jong ka Super Division kaba pyniaid da ka East Jaintia District Football Asociation (EJHDFA) hadien ba kala lah ban pynliem da 2-1 iaka Rymbai Shkenshynriah haka qualifer 2 kaba long ha madan artificial turf Diengshynrum haka 13 tarik Nohprah.

Da kane ka namjop ka Thangskai Tiger kan aireng pyrshah iaka Dhana SC haka jingiakhun final kaban long haka 19 tarik Nohprah.

Haba phai sha ka jingialehkai haka por kaba la buh ka jingiakhun kala kut da kaba iakhaid mar 1-1 bad dei tad haduh ka extra time ka Thangskai Tiger kala ioh ban thep haka minit kaba 108 minit lyngba u Longprem Dera kaba long syndon ka kol jop.

Shuwa kane ka Thangskai Tiger kala ioh thep lyngba u Solomon Sympli (17), katba ka Shkenshynriah kala ioh ban pyniakhaid lyngba u Fairdyson Bareh (69).